转自：广州正嘢(ID:gzzy01)
E两日，小编係微博睇到个热搜
“人贩子抱孩子陈伟霆”
小编印象中嘅陈伟霆一直係个 阳光型男！
点解突然间会变咗 拐子佬？！
一切皆因陈伟霆每次抱起佢个侄女
BB女唔係 一脸嫌弃、生无可恋，
就係 喊到收唔到声！
简直就係拐子佬拐细路！
但小编净係想讲：
哥哥！我仲係个小朋友！求你过嚟拐走我！
比着以前
边有咁多人留意陈伟霆点抱侄女，
边有咁多人嚟同小编争“拐”啊！
但 今时唔同往日啦！
东方卫视热播大剧 《老九门》
令到原本已经係“当红炸子鸡”嘅佢
红上加红！
赵丽颖係剧中不停撩陈伟霆
陈伟霆係度不停撩观众啊阴功！！
士别三日，当刮目相待
究竟William係点样一步一脚印
由香港“无名小卒”行到内地“当红炸子鸡”地位？
小编先为大家奉上William啱出道嘅面试视频
▼
2003年参加全球华人新秀香港区选拔赛进入演艺圈
2006年成为Sun Boy’z组合一员
虽然当时个发型真係好似狗咬咁！
但谁没有过去！
而且当时仲同E家嘅女神 安吉拉宝贝
有过一段轰轰烈烈嘅恋情
互相扶持嘅两人慢慢将颜值
提高~提高~再提高！
每一次嘅小不同早就E家嘅大不同
可谓 男嘅俊，女嘅靓！
可惜最后都以分手收场！
虽然话初恋总是难忘的
但绝大多数都唔会长久
据闻，当时有人话係男方花心，背住AB偷食
又有人话AB到咗内地发展后，人气大增
再加上两人聚少离多，感情变淡
其实简单D嚟讲：
AB当时已经搭上咗晓明哥！
当记者问晓明哥：
你怎么看baby跟William分手？你是导火线吗？
晓明哥义正言辞咁讲到：
不可能！我没有这么大魅力吧？
而我不知道陈伟霆是谁。
畀人撬墙脚都算啦！ 仲要畀人笑！
我哋William嘅知名度真係咁低咩？！
冇错！当时嘅William知名度就係咁低！
为咗雪耻！
William係往后嘅日子从未停止前进嘅步伐！
势要畀晓明哥知道： 陈伟霆係边个！
但似乎一切都冇想象中咁顺利
2008年组合解散，William单飞
本来想凭借自己嘅精湛舞蹈
以 翻版郭富城嘅姿态係娱乐圈杀出一条血路
冇霖到一段新恋情又令佢坠入深渊
2010年William接拍咗一部电影《美丽密令》
片中同 大佢3年嘅师姐 阿sa组成荧幕情侣
冇霖到两人真係高调宣称 已经係一齐！
当时，离阿sa宣布同郑中基离婚 半年都未有
据闻係公司为咗保住女方嘅形象同市场价值
先落order要佢哋公开开始冇耐嘅恋情
因为女方出道早，名声又比男方大
自此之后
William一直被冠以 “软饭王”称号
不断遭到女方粉丝嘅攻击
2011年 係一次颁奖典礼上
舞台上突然天降烟花
William下意识伸手帮阿sa挡烟花
但係相睇嚟， Twins嘅粉丝误解为
William推开阿娇帮阿sa挡烟花
可想而知，William又肯定受到粉丝们嘅狂轰乱炸
虽然之后阿娇都有解释翻E个误会
但D粉丝又点会就此收手呢？
仲有一次William係微博 发咗张 ***
畀阿sa粉丝认出相里面嘅沙发花纹
又被粉丝狂闹2000几条
指责佢借阿sa炒作！
真係 百口莫辩！
2013年，William被公司“流放”到内地拍古装戏
边个都冇霖到！！
係香港一直都係半红不黑，
唔知第几线嘅小生
去到内地竟然一夜爆红！！！
係 《古剑奇谭》里面饰演 成熟稳重嘅大师兄
同内地当红炸子鸡 李易峰组成“荧幕情侣”
之后微博粉丝就以肉眼都睇唔到嘅方式不断增加
连William都畀自己吓亲！
英皇更加霖唔到自己旗下嘅艺人竟然有咁嘅能耐！
香港、内地嘅经纪人仲为佢展开一段明争暗抢
原本以为男方嘅爆红终于可以与女方齐名
摆脱“软饭王”称号
冇霖到此时(2015年）又传出 分手消息
女方粉丝瞬间炸了：
阿sa终于要摆脱“软饭王”了拉！好开心！
男方粉丝也炸了：
William终于恢复单身，可以好好发展啦！
据闻当时金牌经纪人仲係背后搞搞震
将男方打造成一个 无情无义渣男
不但同杂志爆料：
女方到横店搵男方箍煲
男方因同剧组外出而冇理到女方
仲利用阿sa係媒体面前哭诉
“根本冇第三者（指赵丽颖）”嘅深情状
既能塑造阿sa “受伤弱女子”形象
又能打造男方“负心劈腿男”形象
实行“得唔到你，就要打沉你”嘅手段！
尽管William已经唔係初出茅庐嘅新仔
但依旧敌唔过金牌经纪人嘅各种 威逼利诱呢！
最后都係乖乖哋 翻到霍汶希嘅怀抱
自此，William嘅事业真係一路 顺风顺水
片约不断之余
係各大 综艺节目上面都可以佢嘅身影
William嘅成功
除咗感谢经纪人E个 幕后黑手之外
同时都要感谢AB以及阿sa嘅 “分手之恩”
不过 最重要嘅都係William嘅个人努力
而且 运气际遇真係好重要！！！
最后小编想问多句：
晓明哥，你现在知道陈伟霆是谁了吗？
唔讲住啦~
小编要去翻煲多几次“佛爷”啦~
版权归原作者所有，如有侵权或需授权，请及时与我们联系。